Job 1:7
Ongeveer op dieselfde tydstip as wat Job in Kirstenbosch gesit het, het God van sy engele na hom ontbied. Satan het ook daar opgedaag, ongenooid. God wou van hom weet waar hy vandaan kom, en Satan antwoord:
“Op die vlerke van die wind
het ek om die aarde getrek
om orals net sondes te vind.
Toe, vir my Kaapse draai
het ‘n swart suid-oos
my daar afgelaai.
Ek het my strikke gestel
en my onkruid gesaai.
Ook op Duiwelspiek
maak ek my langs iemand tuis
om aan hom
die wêreld se skatte te wys.
En terwyl die begeerte
in sy oë begin brand,
was ek seker ek registreer weer
‘n eerste verband.
Ek sien toe hoe gaan sy sinne op loop
toe hy sy deeltitel by my koop.
Maar hy versuim om die fyndruk te lees
en te sien sy hemel
sal in my doderyk wees!”
Die Gratis Storie Tydskrif 